قائیمقامیەتی سلێمانی نرخی کارەبای مۆلیدە ئەهلییەکانی بۆ مانگی ڕابردوو ڕاگەیاند، نرخی یەک ئەمپێر کارەبای مۆلیدە لە نێوان 12.500 بۆ 13.500 دیناردایە.
بەپێی خشتەکەی قائیمقامیەتی سلێمانی، نرخی ئەمپێرێک كاره‌بای مۆلیدەی گەڕەکەکان ئەوانەى بەپێى بەرنامەى قائیمقامیەت کاردەکەن لە سلێمانى بۆ مانگى (12) له نێوان (12.500) دینار بۆ (13.500) دینار ده‌بێت، هاوكات خشته‌ی پێدانی كاره‌بای مۆلیدە به‌یانیان 6:300 بۆ 8:00 و دواتریش ی 12:00 نیوەڕۆ بۆ 1:00ى شه‌و كارده‌كه‌ن، ئەو كاتانەی كارەبای نیشتمانی نییە.
به‌پێی كۆنووسی كۆبونه‌وه‌ی لیژنه‌ی قائیمقامیەت، کارکردنی مۆلیدە ئه‌هلییه‌كان له مانگی ڕابردوودا له نێوان (274) بۆ (300) کاتژمێردا بووه و هه‌ر کاتژمێرێك به (45.6) دینار بووه، به‌مه‌ش نرخی یه‌ك ئه‌مپێر كاره‌بای مۆلیدەی ئه‌هلی له ناوشاری سلێمانی بۆ ئه‌و مانگه له نێوان 12.500 هه‌زار بۆ 13.500 دینار ده‌بێت، بەڵام نرخى کارەباى مۆلیدەی گوندەکان کەمتر و ئەو مۆلیدانەش کە لە 7:00ی بەیانى بۆ 1:00ى شەو کاردەکەن، نرخى ئەمپێریان زیاترە.
سەبارەت بە خشتەى كاره‌بای مۆلیدە ئه‌هلییه‌كان پێویسته به‌یانیان لە کاتژمێر 6:30 بۆ کاتژمێر 8:00 كاره‌با بۆ هاوڵاتیان دابینبكه‌ن، به‌ڵام له ڕۆژانی هه‌ینی و پشووه فه‌رمییه‌كاندا له بری به‌یانیان کاتژمێر 10:00ی بەیانی كار بە مۆلیدەکان دەکرێت.
