بەڕێوەبەرانی یانەی یوڤانتۆس پەشێمانبوونەتەوە لەو بۆندەی، لە ماوەی چەند مانگی ڕابردوودا پێشکەشی پاولۆ دیبالای ئەرجەنتینی-یان کردووە.
لە دوایین یاریی یانەی یوڤانتۆس بەرامبەر ئودینێزی، پاولۆ دیبالا گۆڵێکی تۆمارکرد، بەڵام لەبەردەم چاوی کامێراکاندا توڕە دەرکەوت، تۆڕی (DAZN) هەوڵیدا چاوپێکەوتنی لەگەڵدا ئەنجامبدات، بەڵام یاریزانەکە داوایکردووە هەموو گفتوگۆیەک لەبارەی بۆندەکەیەوە تاوەکو کاتێکی نادیار دوابخرێت.
بەپێی زانیارییەکانی ڕۆژنامەنووسی تۆڕی “سکای سپۆرت”، دانیێل ماری، لە چەند مانگی ڕابردوودا ئیدارەی بیانکۆنێری ئۆفەرێکی نوێیان بە مووچەی ساڵانەی هەشت ملیۆن یورۆ، هەروەها دوو ملیۆنی دیکە وەک پاداشت پێشکەشی “لاگۆیا” کردووە، یاریزانەکە بڕیاریداوە بیر لە ئۆفەرەکە بکاتەوە، بەڵام ئەوەی لە ئێستادا ڕوویداوە چاوەڕواننەکراو بووە.
Nonostante la promessa iniziale, la Juve non tornerà indietro. A Dybala non saranno più offerti 8 mln + 2 fino al 2026. Se Dybala non cede, la Juve lo lascia andare. Se lui continuerà a chiedere gli 8+2 che gli erano stati promessi, le strade si separeranno – #SkySport pic.twitter.com/KEXKidACwI
— Daniele Mari (@marifcinter) January 16, 2022
ماری جەختی لەوە کردووەتەوە، بەهۆی قەیرانی داراییەوە بەڕێوەبەرانی یوڤی لە ئۆفەرەکە پەشیمانبوونەتەوە، داوایان لە لێپرسراوی کارەکانی دیبالا کردووە بە پارەیەکی زۆر کەمتر قایلببێت بۆ نوێکردنەوەی بۆندەکەی، پێشیانڕاگەیاندوون، کە ئەگەر بەو بڕە کەمترە قایلنەبن، ئەوا دەرگای ڕۆیشتن بەبێ بەرامبەر بەڕوویاندا کراوەیە.
