وەزارەتی تەندروستیی عێراق ڕایدەگەیەنێت، 40 هەزار ژەمی نوێی ڤاكسینی فایزەری دژ بە كۆرۆنا وەردەگرێت.
بەپێی ڕاگەیەندراوێكی وەزارەتەكە، بڕیارە سبەی ئەو بڕە ڤاكسینە بگاتە عێراق.
گەیشتنی ئەو ڤاكسینە لەكاتێكدایە، هاوڵاتییان بەشێوەیەكی زیاتر خواست لەسەر وەرگرتنی ڤاكسینەكانی دژ بە كۆرۆنا نیشاندەدەن.
پێشتر ڕیاز حلفی، بەڕێوەبەری تەندروستیی گشتی لە وەزارەتی تەندروستی ڕایگەیاند، وەزارەتەكەیان لەهەوڵدایە لەگەڵ کۆمپانیای فایزەر، قەبارەی کڕینی ڤاکسین لە 16 ملیۆنەوە بۆ 18 ملیۆن ژەم بەرزبکاتەوە.
