بەئامادەبوونی وەزیرانی دەرەوەی هەردوو وڵات، عێراق و عومان یاداشتنامەیەکی لێکتێگەیشتنییان واژۆکرد بە مەبەستی بەهێزکردنی پەیوەندییە دیبلۆماسی و سەربازییەکانیی نێوانیان.
ماڵپەڕی شەفەق نیوز رایگەیاندوە، ئەمڕۆ یەکشەممە هەریەکە لە فواد حسێن وەزیری دەرەوەی عێراق، و بەدر بن بوسەیدی وەزیری دەرەوەی عومان، یاداشتنامەیەکی لێکتێگەیشتنییان بە مەبەستی بەهێزکردنی پەیوەندییەکانییان واژۆکردووە.
هاوکات، ناوەڕۆکی یاداشتنامەکە باس لە بەهێزکردنی پەیوەندییەکانی هەردوو وڵات دەکات لەبوارەکانی، دیبلۆسی، سەربازی، بازرگانی و وەبەرهێنان و بواری سەربازی.
هەروەها، وەزیری دەرەوەی عێراق یاداشتنامەکەی بە هەنگاوێکی گرنگ دانا و وەزیری دەرەوەی عومان رایگەیاند “ئامانجی سەرەکیمان لەم هەنگاوە، باشترکردنی ئاستی بەرهەمهێنان و سەقامگیربوونی ئاسایشی ناوچەکەیە”.
