بەڕێوەبەرایەتیی پۆلیسی گەرمیان دەستگیرکردنی دوو تەقەکەری کێشە خێزانییەکەی شەوی ڕابردووی کەلار، کە دوو برای تێدا برینداربوون، ڕاگەیاند.
لە ڕاگەیەندراوێکدا عەلی جەمال قەدوری وتەبێژی بەڕێوەبەرایەتیی پۆلیسی گەرمیان ڕایگەیاند، “دوای ئەوەی شەوی ڕابردوو شەڕ لەنێوان دوو دراوسێ لەگەڕەکی گۆرانی قەزای کەلار دروست بوو، بەوهۆیەوە دوو برا بەفیشەک برینداربوون، ئەمڕۆ دوو تۆمەتباری تەقەکردنەکە دەستگیرکران”.
پۆلیسی گەرمیان دەڵێت، لەکاتی دەستگیرکردنی تۆمەتبارەکاندا دەست بەسەر چەک و ئۆتۆمبێلی تۆمەتبارەکاندا گیرا و لێکۆڵینەوە لەگەڵیاندا دەستیپێکردووە.
