ئەنجومەنی سەوزی چیا، کە ئەنجومەنێکی ژینگەییە و خۆبەخشانە ڕوبەڕووی ئاگرەکانی مەریوان دەبێتەوە، ڕایگەیاند، بەهۆی ئاگرکەوتنەوە لە دەریاچەی زرێبار سەدان گیاندار لەناوچوون.
ئەنجومەنەکە لە ڕاگەیەندراوێکدا دەڵێت، “دوای شەو و ڕۆژێک لە بەردەوامیی ئاگرەکەی دەریاچەی زرێبار، بە هەوڵی خەڵکی ناوچەکە و ئەندامانی ئەنجومەنی سەوزی چیا توانرا ئاگرەکە کۆنترۆڵبکرێت”.
ئەنجومەنەکە پێیوایە ئاگرەکەی دەریاچەی زرێبار بەمەبەست کراوەتەوە و بۆ تێکدانی سروشتی دەریاچەکە بووە.
دەریاچەی زرێبار لە وەرزی هاویندا ئاوەکەی دادەكشێت و ئەو سەوزاییەی لە زستان و بەهاردا هەن، وشک دەبێت، ئەو پوش و پاوانە دەبێتە لانکەی هەزاران گیاندار و باڵندە و بەراز، بەڵام ئەمساڵ بەهۆی ئاگرەوە بەشێکی زۆری ئەو ڕووبەرە سوتاوە.
21 مرداد ماه تالاب زیبار بە آتش کشیده شد و متاسفانه بخش بزرگی از نیزارهای تالاب که مامن جانوران و پرندگان تالاب است از بین رفت.
امروز 22 مرداد ماە نیز ضلع شمالی تالاب زریبار “بەر کۆڵان” دچار آتشسوزی شد که با همت اعضای انجمن سبز چیا و اداره آتشنشانی مریوان مهار شد. pic.twitter.com/JUpf6t25xV— Chya NGO (@chya_ngo) August 14, 2021
