ڕۆژنامەیەكی سكۆتلەندی ئاشكرایدەكات، هێزە ئەمنییەكانی هەرێمی كوردستان كەسێكی نێو باندێكی دزەپێكردنیان دەستگیركردووە كە بەر لە چەند مانگێك لە ڕوداوێكی تەقەكردن ڕزگاری بووە و دواتر ڕوویكردوەتە سلێمانی بۆ یەكلاكردنەوەی كێشەكەی لەگەڵ كەسی بەرپرس لە ڕوداوەكە.
ڕۆژنامەی (دەیلی ڕیكۆرد) ئەمڕۆ شەممە 10ی تشرینی یەكەم بڵاویكردەوە، كەسێك بەناوی (كامەران خزر) لە سلێمانی دەستگیركراوە بەتۆمەتی هەڵگرتنی چەك لەكاتی هەوڵی بینینی كەسێك كە پێشتر خەڵكی بۆ كوشتنی لە سكۆتلەندا ڕاسپاردووە.
دەستگیركردنەكە مانگی ڕابردوو بووە و سێ كەسی تری هەڵگری ڕەگەزنامەی بەریتانی لەگەڵدا بووە.
بەپێی ڕۆژنامەكە (كامەران) لە پەیوەندیدا بووە لەگەڵ كەسی بەرپرس لە هەوڵی كوشتنەكەی و، ئەو كەسە داوای لێكردووە بگەڕێتەوە بۆ عێراق بۆ ئەوەی یەكجار و بۆ هەتایە كێشەكەیان كۆتایی پێبهێنن.
پاش گەڕانەوەی كامەران و هاوڕێیەكی بۆ هەرێمی كوردستان بۆ كۆبوونەوەكە و بەر لە ئەنجامدانی، هێزە ئەمنییەكان لەگەڵ هاوڕێكەی و دوو كەسی تر دەستگیریانكردوون.
https://twitter.com/Daily_Record/status/1314825514956337152
