بەرێوەبەرایەتیی گشتیی كەشناسی و بومەلەرزەزانیی هەرێمی كوردستان بڵاویكردووەتەوە، بەگوێرەی پێشبینییەكان لە ئێوارەی ئەمڕۆوە شەپۆلێكی خۆڵبارین ناوچەكانی هەرێمی كوردستان دەگرێتەوە و سبەینێش كاریگەری دەبێت.
بەپێی ڕاگەیەندراوێكی بەرێوەبەرایەتیی گشتیی كەشناسی و بومەلەرزەزانیی هەرێمی كوردستان تێیدا هاتووە ئەمڕۆ هەینی، ئاسمان ساماڵ دەبێت، لەكاتەكانی ئێوارە و شەودا بەهۆی زیادبوونی خێرایی با ئەگەری بەرزبوونەوەی تۆز و خۆڵ هەیە.
ئاماژە بەوەشكراوە،”خێرایی با مامناوەند دەبێت و لە هەندێك ناوچە چالاكتر دەبێت”.
لە ڕاگەیەندراوەكەدا هاتووە، سبەینێ شەممە ئاسمان ساماڵ دەبێت، بە هۆی زیادبوونی خێرایی با ئەگەری بەرزبوونەوەی تۆز و خۆڵ هەیە بە تایبەت لە ناوچەكانی باشووری هەرێمی كوردستان.
