وەزارەتی بەرگریی تورکیا لە ڕاگەیەندراوێکدا، کە ڤیدیۆیەکیشی لەگەڵدا بڵاوکردووەتەوە، ڕایگەیاندووە، “لە ئۆپەراسیۆنێکی ئاسمانیدا 28 ئامانجی پەکەکە کراونەتە ئامانج”، بەڵام قائیمقامی شارباژێر دەڵێت، ماڵی هاوڵاتییەك پێكراوە و زیانی گیانیی نەبووە.
لە ڕاگەیەندراوەکەی وەزارەتی بەرگریی تورکیادا هاتووە، “بە هەماهەنگی لەگەڵ دەزگای هەواڵگیریی نیشتمانیدا، ئۆپەراسیۆنێک بۆسەر ئامانجەکانی پەکەکە لە چیای ئاسۆس (قەزای ماوەت – شارباژێڕ) بەڕێوەچووە، تێیدا 28 ئامانجی پەکەکە کراونەتە ئامانج”.
لای خۆیەوە شاهۆ عوسمان، قائیمقامی شارباژێڕ، بە تۆڕی میدیایی ئێستای ڕاگەیاند، “بەیانی ئەمڕۆ لە سنووری ناحیەی زەڵان چەند گوندێک لەلایەن فڕۆکە جەنگییەکانی تورکیاوە بۆردومان کراون، بەڵام هیچ زیانێکی گیانی نەبووە و تەنها ماڵی هاوڵاتییەک پێكراوە، کە وەک خانوی باخ وابووە و کەسی تێدا نەبووە”.
ڕاگەیەندراوەكەی وەزارەتی بەرگریی توركیا لەكاتێكدایە، بەرەبەیانی ئەمڕۆ لە سنووری قەزای پێنجوێنیش فڕۆکە جەنگییەکانی تورکیا بۆردومانی چەند گوندێكیان كردبوو، بەڵام لەوێش هیچ زیانێکی گیانی نەبووە.
Ansızın gelmeye, teröristlerin inlerini başlarına yıkmaya devam ediyoruz!
MİT ile koordineli olarak Irak’ın kuzeyindeki Asos bölgesinde 28 terör hedefi, hava harekâtı ile yerle bir edildi. Operasyonla, terör örgütü PKK’ya ağır bir darbe vuruldu.https://t.co/RP2KoWPu1P pic.twitter.com/MSoQlC88K9
— T.C. Millî Savunma Bakanlığı (@tcsavunma) August 24, 2021
