وەزارەتی تەندروستیی هەرێمی کوردستان ئەمڕۆ چوارشەممە 10ی ئازار ئاماری 24 کاتژمێری رابردووی کۆرۆنای بڵاوکردەوە و ڕایگەیاند کە 335 کەس تووشی کۆرۆنا بوون و چوار کەسیش گیانیانلەدەستداوە.
بەپێی ڕاگەیەندراوی وەزارەتی تەندروستی، “لە هەولێر 158 کەس تووشی ڤایرۆسەکە بوون، 72 لە سلێمانی، 84 لە دهۆک، 16 لە گەرمیان و پێنج کەسیش لە ڕاپەڕین توشی کۆرۆنا بوون”.
وەزارەتی تەندروستی ڕاشیگەیاندووە، “چوار کەس بەهۆی ڤایرۆسی کۆرۆناوە لە شەو و ڕۆژی ڕابردوودا گیانیانلەدەستداوە، سیانیان لە هەولێر و کەسێکیش لە دهۆک بووە”.
بەپێی ئامارە گشتییەکانی وەزارەتی تەندروستیی تاوەکو ئێستا 111 هەزار و 516 کەس توشی کۆرۆنا بوون و لەو ژمارەیەش 104 هەزار و 884 کەس چاکبوونەتەوە و سێ هەزار و 546 کەس گیانیانلەدەستداوە.
