توێژینەوەیەكی نوێ: چارەكێكی چاكبووانی كۆرۆنا بەدەست قژهەڵوەرینەوە دەناڵێنن

توێژینەوەكە 1655ی گرتووەتەوە

توێژینەوەیەكی نوێ گەیشتە ئەو ئەنجامەی زۆرێك لەوانەی لە نەخۆشی كۆفید-19 چاكدەبنەوە ئەگەری توشبوونیان بە قژهەڵوەرین هەیە.

توێژینەوەیەكی چینی كە ڕۆژنامەی (دەیلی مەیل) بڵاویكردوەتەوە ڕونیدەكاتەوە 359 كەس لە كۆی 1655 نەخۆش لە ووهان (كە دەكاتە 22%) توشی قژهەڵوەرین هاتوون بە شەش مانگ پاش دەرچوونیان لە نەخۆشخانە.

توێژینەوەكە بۆ تاوتوێكردنی ئەو نیشانانەی دیكە بووە كە لەئێستادا بە نیشانە “درێژمەوداكانی كۆڤید-19” ناودەبرێت، كە لەپێشیانەوە (ماندوێتی، شەكەتی، توشبوون بە نیگەرانی، بێزاری، هەناسەتوندی و ئارەقكردنەوە) هەیە.

بەپێی ڕۆژنامەكە توێژینەوە چینییەكە، بە گەورەترین توێژینەوەی بە كۆمەڵ لەگەڵ درێژترین ماوەی بەدواداچوون دادەنرێت بۆ هەڵسەنگاندنی كاریگەرییە تەندروستییەكانی نەخۆشانی پێگەیشتوو لەوانەی توشی كۆرۆنای نوێ بوون، ئەو بەدواداچوونە لە 7ی كانونی دووەمی ڕابردوو تا 25ی ئایاری ساڵی ڕابردوو بەردەوام بوو.

پزیشكانی نەخۆشییەكانی پێست دەڵێت، قژهەڵوەرین كاردانەوەیەكی فسیۆلۆجی سروشتی ڕوداوێكی بێزاركەرە وەك نەخۆشییەكی گوازراوە، بە كاتیش دادەنرێت تەنها لەو كاتەدا نەبێت كە دەبێتە هۆی (دەردە ڕێوی) كە لەوكاتەدا ڤژ وەرینەكە ئەگەری هاتنەوەی نییە.

بەپێی توێژینەوەكە 63%ی توشبووان هەستیان بە ماندوێتی و لاوازی ماسولكەكان، 26%یان هەستیان بە دژواری نوستن، 23%یان هەستیان بە بێزاری و بێتاقەتی و 22%شیان بەدەست قژهەڵوەرینەوە ناڵاندوویانە.

هاوینی ڕابردووش دكتۆرە ناتالی لامبێرت، لە كۆلێجی پزیشكی زانكۆی ئندیانای ئەمریكی ڕاپرسییەكی لەڕێی ئینتەرنێتەوە لەگەڵ 1567 كەس ئەنجامدا كە بەدەست نیشانە درێژمەوداكانی كۆڤیدەوە دەناڵێنن و، بۆی دەركەوت 423 كەسیان توشی قژهەڵوەرین بوون.

س: ئەلحوڕە

بابەتی پێشتر

وتەبێژی حکومەتی عێراق: سەرجەم بڕگەکانی بودجە ڕێککەوتنیان لەبارەوە کراوە جگە لە پشکی هەرێم

بابەتی دواتر

چالاكوانانی ژینگە نیو تۆن خۆراك دەگەیەننە گیاندار و باڵندە كێوییەكان

بابەتی پەیوەندیدار
Total
1
Share