مامۆستایەکی ئایینی ڕایدەگەیەنێت، سوکایەتیکردن بە ئۆتۆمبێلی BYD حەرامە و دروست نییە، چونکە ژیانی چەندین کەس لەسەر ئەو ئۆتۆمبێلەیە.
مامۆستا محەمەد عەبدوڵا، مامۆستای ئایینی لە گرتەیەکی ڤیدیۆیدا ڕایگەیاند، لە ئەمڕۆدا دیاردەیەک لەناو خەڵکدا بڵاوبووەتەوە کە سوکایەتیکردنەوە بە ئۆتۆمبێلی BYD، چەندین کەس بەو سوکایەتییانە برینداردەبن و پێیان ناخۆشە، چونکە بەشێکیان، ژیان و کاریان لەسەر ئەو ئۆتۆمبێلەیە، ئەم ڕەفتارەش لە ئایینی ئیسلامدا دروست نییە و حەرامە.
وتیشی، کەسانێک هەن چەندین ساڵە پارە کۆدەکەنەوە تاوەکو ئۆتۆمبێلێک بکڕن، بەڵام کەسانێک بە سوکایەتیکردن بەو جۆرە ئۆتۆمبێلە، هەستیان بریندرار دەکەن، پاشان ئەم ئۆتۆمبێلانە حکومەت ڕێگەیداوە کە بێنە ناو خاکی هەرێمی کوردستانەوە، واتە کێشەیان نییە.
