بەڕێوەبەری سایلۆی سلێمانی رایگەیاند، ئەمڕۆ وەزارەتی بازرگانیی عێراق 150 ملیار دیناری گەنمی جوتیارانی هەرێمی خەرجکردووە و لە هەفتەی داهاتووە دەست بە دابەشکردنی دەکرێت.
نەسرین ئەحمەد بەڕێوەبەری گشتیی سایلۆکانی سلێمانی و هەڵەبجە رایگەیاند، ئەمڕۆ وەزارەتی بازرگانی عێراق بڕیاری خەرجکردنی 150 ملیار دیناری گەنمی جوتیارانی هەرێمی دەرکرد، کە بڕی 67 ملیار دیناری بۆ جوتیارانی سنووری سلێمانییە.
ئاماژەی بەوەشکرد، خەرجکردنی پارەکە هەندێک کاتی دەوێت، بۆیە لە رۆژی یەکشەممەی داهاتووەوە دەست بە دابەشکردنی دەکرێت.
ئاشکراشیکرد، بەڵێنیان پێداوین لە ئایندەیەکی نزیکدا ئەو بڕە پارەیەی کە ماوە بە چەند گوژمەیەک بۆمان رەوانەبکرێت.
