لە هاوینەهەواری پرژێ لە سنووری قەزای چۆمان کەسێک لە شاخ هەڵدێرا و گیانیلەدەستدا.
کاروان میراودەلی بەڕێوەبەری بەرگریی شارستانیی سۆران بە تۆڕی میدیایی ئێستای راگەیاند، بەیانی ئەمڕۆ لە پرژێ لە قەزای چۆمان تەرمی کەسێک دۆزرایەوە کە ئاسەواری برینداری و رووشاوی بە جەستەیەوە دیاربووە.
ئاماژەی بەوەشکرد، بە نیشانەکاندا دیارە کەسەکە چەند رۆژێکە لە شاخ هەڵدێراوە، هیچ ناسنامەیەکی پێنییە و جلوبەرگی شاخەوانی لەبەردایە، تەرمەکەی گواستراوەتەوە بۆ پزیشکی دادی چۆمان.
