نەخۆشخانەی فێرکاریی قەڵادزێ بڵاویکردەوە، دوای ئەوەی کەسێک مارێکی بە مەبەستی چارەسەر بردووەتە نەخۆشخانەکە ئامادەنەبوون چارەسەری بکەن.
نەخۆشخانەی فێرکاریی قەڵادزێ لە روونکردنەوەیەکدا بڵاویکردووەتەوە، لە هەندێک لاپەڕە و پێگە وا بڵاوکراوەتەوە کە هاوڵاتییەک مارێکی بۆ چارەسەر هێناوەتە نەخۆشخانەکەمان، بەهەموو
لایەکی رادەگەیەنین راستە ئەم هاوڵاتییە خۆی و مارەکەی سەردانی نەخۆشخانەکەی کردووە، بەڵام لە لایەن هیچ پزیشک و کارمەندێک نەبینراوە و هیچ جۆرە چارەسەر و پشکنینێکی وەرنەگرتووە.
ئاماژەی بەوەشکردووە، ئەو ئامێری تیشکەی وێنەکەی بڵاوکراوەتەوە هی نەخۆشخانەکەی ئێمە نین، ئێمە تەنها دوو ئامێری تیشکمان هەیە کە لەو جۆرە نین.
