هێزێكی عێراقی دەوروبەری كامپێك لە مەخمور دەگرن و دانیشتووانەكەشی ناڕەزایی دەردەبڕن و دەستیان بە خۆپیشاندان كردووە.
غازی فەیسەڵ، كارگێڕی مەڵبەندی قەرەچوغی یەكێتیی نیشتمانیی كوردستان بە تۆڕی میدیایی ئێستای راگەیاند، هێزەكە لە بەرەبەیانیی ئەمڕۆوە لە دەوروبەری كامپەكەن و دەیانەوێت چەند رەبایەیەك دروستبكەن، كە بە وتەی هێزەكە بۆ پاراستنی كامپەكەیە.
وتیشی، “بەڵام دانیشتووانی كامپەكە ناڕازین و دەستیان بە خۆپیشاندان كردووە، دانیشتووانەكەی بە خۆپیشاندان رووبەڕووی هێزەكە وەستاون”.
تائێستا دۆخەكە بەو جۆرە ماوەتەوە و چارەسەرنەكراوە، وەك ئەوەی غازی فەیسەڵ ئاماژەی پێدا.
كامپەكە تایبەتە بە كوردانی ئاوارەبووی باكووری كوردستان.
