حاجییەکی خەڵكی گەرمیان دوای بەجێگەیاندنی فەریزەی حەج بەهۆی نەخۆشییەوە لە شاری مەککە گیانیلەدەستدا.
حاجییەکە ناوی حەمید رەحیم_ە و خەڵكی گوندی سێ تەپانی سنووری قەزای كەلار و موختاری گوندەکە دوای بەجێگەیاندنی فەریزەی حەج گیانیلەدەستداوە.
ناوبراو پێش گەشتەکەی بۆ عەرەبستانی سعودیە نەخۆشی دڵی هەبووە و هەر بەو هۆیەشەوە گیانیلەدەستداوە.
لە سەرەتای دەستپێکردنی رێورەسمی حەجی ئەمساڵ تا ئێستا هەشت حاجی خەڵکی هەرێمی کوردستان گیانیان لەدەستداوە.
