به‌ڕێوه‌به‌رایه‌تیی گشتیی چاودێری و گەشەپێدانی کۆمەڵایەتیی سلێمانی چیرۆکی دوو هاوسەری پارێزگای هەڵەبجە دەگێڕێتەوە و دەڵێت، ”هاوسەرەکەی 20 ساڵە خزمەتی دەکات”.
ئەو بەرێوەبەرایەتییە ئاماژەی بەوە کردووە، ”وەردە رەفیق، لە هەڵەبجەی شەهید، بەهۆی رووداوێکی نەخوازراو، تووشی رووداوێکی هاتوچۆ بوو، قاچەکان و بەشێکی مێشکی لەدەستدا، بەڵام هاوسەرەکەی 20 ساڵە خزمەتی دەکات و بە عەرەبانەکەی پیاسەی ناوبازاڕ پێکەوە دەکەن”.
لەو بارەیەوە هاوسەرەکەی دەڵێت، “کاتێک هاوژینەکەم جەستەی ساغبوو خزمەتی دەکردم و یەکمان خۆش دەویست، منیش ئێستا وەفام هەیە و تامردن خزمەتی دەکەم”.
