داواكارییەكان بۆ هەڵگرتنی قەدەغەی سەر پارتی كرێكارانی كوردستان – پەكەكە و دەرهێنانی لە لیستی تیرۆر لە تۆڕە كۆمەڵایەتییەكاندا 100 هەزار كەسی تێپەڕاند.
لە كاتژمێر 08:00ی شەوی ڕابردووەوە لەسەر تویتەر و تۆڕە کۆمەڵایەتییەکانی دیکە، هەڵمەتێکی جیهانی بۆ دەرهێنانی پەکەکە لە لیستی تیرۆر بە هاشتاگی #DelistPKKNoW دەستیپێکردووە و درێژەی هەیە.
لەو ماوەیەدا تەنها لە تویتەر زیاتر لە 100 هەزار كەس بەشداریی هەڵمەتەکەیان کردووە و لە تورکیا، ئیتاڵیا، سویسرا و ئەڵمانیا لە ڕیزبەندی یەکەمدایە، لە وڵاتانی بەلجیکا و بەریتانیاش بەشدارییەكی فراوان لە هەڵمەتەكەدا هەیە.
هەڵمەتەکە لەلایەن ئەنجومەنی دیجیتاڵ میدیای كوردستانەوە بە دروشمی “پەكەكە گەلە، گەلیش قەدەغە ناكرێت” دەستیپێکردووە و تیایدا داوای بەشداری لە هەمووان كراوە.
