سامان نادر، بەڕێوەبەری سەنتەری فریاکەوتنی سلێمانی بە تۆڕی میدیایی ئێستای راگەیاند، ”باری تەندروستیی بریندارانی رووداوی هاتوچۆکەی دوکان جێگیرە و سوپاس بۆ خودا کەس گیانیلەدەستنەداوە”.
لەبارەی ژمارەی بریندارەکانەوە بەڕێوەبەری سەنتەری فریاکەوتنی سلێمانی ئاماژەی بەوە کرد، ”17 کەس برینداربووە و باری تەندروستیی هەموویان جێگیرە، تەنها لەبەر دڵنیابوون لە تەندروستییان هەندێکیان دەهێنین بۆ سلێمانی”.
دەشڵێت، ”برینی ژمارەیەک لە بریندارەکان سووک بووە و نێردراونەتەوە بۆ ماڵەوە و ئێستا سەرقاڵی چارەسەرکردنی برینی ئەوانی دیکەین”.
