سەرۆکی حکومەتی کاتیی سوریا بڕیاریدا بە دەستنیشانکردنی مورحەف ئەبو قەسرە بۆ پۆستی وەزیری بەرگریی کابینەکەی، لەچوارچێوەی پێکهێنانی حکومەتی نوێی وڵاتەکەدا.
ئاژانسی هەوڵی رۆیتەرز بڵاوی کردووەتەوە، کە لەنوێترین هەنگاوەکانی پێکهێنانی حکومەتی نوێی سوریادا بڕیاردراوە بە دانانی مورحەف ئەبو قەسرە بۆ پۆستی وەزیری بەرگریی کابینەکەکە.
ئاماژەیان بەوەشداوە، لەماوەی رابردودا ناوبراو رۆڵێكی سەرەکی بینیوە لە پڕۆسەی روخاندنی رژێمی سەرۆکی پێشوو “بەشار ئەسەد” و سەرپەرشتی بەشێکی هێزە سەربازییەکانی کردووە، ئەمەش بووەتە هۆی متمانەپێکردنی لەلایەن ئەحمەد شەرع کەسی یەکەمی گروپەکەوە و پاشان راسپاردنی لەلایەن سەرۆکی کاتیی حکومەت بۆ پۆستی وەزیری بەرگریی.
ئەمە لەکاتێکدایە، دوای روخانی حکومەتی پێشووی سوریا لەلایەن گروپە چەکدارییەکانەوە، هەوڵی دروستکردنی کابینەیەکی نوێی حکومەت دەدرێت و لەنوێترین هەنگاویشدا وەزیری بەرگریی و وەزیری دەرەوە دیاریکران.
