یانەی ئارسیناڵ لە دەرەوەی یاریگای خۆی، یاریی هەفتەی (22)ی خولی نایابی ئینگلیزی بەرامبەر ئێڤەرتۆن ئەنجامدا و دۆڕاندنی تۆمارکرد.
ئەمڕۆ شەممە، لە چێوەی یارییەکانی هەفتەی (22)ی خولی نایابی ئینگلیزی “پریمەرلیگ”، ئارسیناڵ لە یاریگای “گودیسۆن پارک” بووە میوانی یانەی ئێڤەرتۆن.
یارییەکە بە ئەنجامی گۆڵێکی بێبەرامبەر لە بەرژەوەندیی یانەی خانەخوێ کۆتاییهات.
گۆڵەکەی ئێڤەرتۆن لە خولەکی 60 لەلایەن جەیمس تارکۆڤیسکی-یەوە تۆمارکرا.
بەپێی ئەنجامە تۆمارکراوەکە، ئارسیناڵ بە (50) خاڵەوە لە پلەی یەکەمی ڕیزبەندیی یانەکانی ئینگلتەرا بەردەوامبوو، ئێڤەرتۆن بە کۆکردنەوەی (18) خاڵ چووە پلەی (17).
