ئەمڕۆ لەخول و پاڵەوانێتییەكانی ئەوروپا چەند یارییەكی بەهێز بەڕێوەدەچن.
لە خولی ئینگلتەرا تۆتنهام لەدەرەوەی یاریگای خۆی بەرامبەر نۆتینگهام یاریی دەكات.
تۆتنهام چوارەمە و نۆتینگهام دوانزەیەمە.
لەخولی ئیسپانیاش هەردوو گەورەكە یارییان هەیە، بەرشلۆنە میوانداری بەلەد وەلید دەكات.
ڕیاڵ مەدریدیش ڕووبەڕووی ئیسپانیۆل دەبێتەوە.
ڕیاڵ مەدرید دوو یاریی كردووە و هەردووكی بردۆتەوە.
بەرشلۆنەش دوو یاریی كردووە بردنەوەیەك و یەكسانبونێكی هەیە.
لە فەرەنساش پاریس یاریی لوتكە بەرامبەر مۆناكۆ ئەنجام دەدات.
پاریس بە سێ یاریی نۆ خاڵی كۆكردۆتەوەو مۆناكۆش چوار خاڵی هەیە و دوانزەیەمە.
لە پێنج یاریی ڕابردوودا سێ جار مۆناكۆ لە پاریسی بردۆتەوە.
ئەم وەرزە لەوەتەی گالیتێ بووە بە ڕاهێنەری پاریس ئاستی یانەكە زۆر باش بووە و هەرسێ هێرشبەرەكەش لە گۆڵ كردن و گۆڵ دروستكردندا نمونەیی دەردەكەون.
ئامانجی ڕاهێنەری پاریس و یاریزانەكان ئەوەیە لەم وەرزەدا هیچ یارییەك لە خولی فەرەنسا نەدۆڕێنن.
خولی ئینگلتەرا
نۆتینگهام – تۆتنهام ٦:٣٠
خولی ئیسپانیا
بەرشلۆنە – بەلەد وەلید ٨:٣٠
ئیسپانیۆل – ڕیاڵ مەدرید ١١:٠٠
خولی ئیتاڵیا
فیۆرینتینا – ناپۆلی ٩:٤٥
خولی فەڕەنسا
پاریس سانجێرمان – مۆناكۆ ٩:٤٥
