سودانی: ساڵانە بە بەهای سێ ملیار دۆلار دەرمان هاوردە دەكرێت و زۆرینەی پشكنینی بۆ ناكرێت

محەمەد شیاع سودانی سەرۆك وەزیرانی عێراق دەڵێت، “عێراق ساڵانە بە بەهای سێ ملیار دۆلار دەرمان هاوردە دەكات و زۆرینەی پشكنینی بۆ ناكرێت، بەرهەمی ناوخۆش تەنها 10%ـی پێداویستیی دەرمان پڕدەكاتەوە”.

لە كۆبوونەوەیدا لەگەڵ “رایەڵەی بەرهەمهێنەرانی دەرمان لە عێراق” كە ئەمڕۆ شەممە لە بەغداد بەڕێوەچووە و وەزیرانی تەندروستی و پیشەسازی ئامادەیبوون، سەرۆك وەزیران رایگەیاندووە، “كاری لەپێشینەی حكومەت رێكخستنەوەی كەرتی دەرمان و هاوردەكردنی هەڕەمەكییانەیەتی، بۆ ئەوەی ئاسایشی دەرمان بە تەواوەتی بەدیبهێنین”.

سودانی ئاشكرایكردووە، “ساڵانە عێراق بە بەهای سێ ملیار دۆلار دەرمان هاوردە دەكات و زۆرینەی ئەو دەرمانانە پشكنینیان بۆ ناكرێت”.

سەرۆك وەزیرانی عێراق لە كۆبوونەوەكەدا وتوویەتی، “كارگەكانی ناوخۆ توانای بەرهەمهێنانی تەنها 10%ـی ئەو دەرمانەیان هەیە كە وڵات پێویستی پێیەتی و كەرتی تایبەت دەتوانێت 250 جۆر دەرمان دروستبكات، بۆ ئەو مەبەستەش حكومەت هاوكاریی ئەو كەرتە دەكات”.

بابەتی پێشتر

ڕامۆس دانی پێدا نا: تەنها مێسی

بابەتی دواتر

(ڤیدیۆ) ئارسیناڵ بەرامبەر ئێڤەرتۆن سێ خاڵی لەدەستدا

بابەتی پەیوەندیدار
Total
0
Share