یانەی ڕیاڵ مەدرید بە سێ هەنگاو خۆی بۆ سەردەمی دوای لوکا مۆدریچ و تۆنی کرووس ئامادە دەکات.
بەپێی ئەو زانیارییانەی دەست ڕۆژنامەی “مارکا” کەوتوون، ئیدارەی یانەی شاهانەی مەدرید لە هاوینی 2023وە پلانێک بۆ نوێکردنەوەی هێڵی ناوەند دەستپێدەکات، پلانەکەش بە سێ هەنگاو جێبەجێ دەکرێت.
یەکەم: نوێکردنەوەی گرێبەستی لوکا مۆدریچ بۆ وەرزێکی دیکە، کە ئەوەش لە ڕووی وەرزشییەوە سوود بە ئەزموونی لاوەکان دەبەخشێت.
دووەم: پەشیمانکردنەوەی تۆنی کرووس لە بڕیاری وازهێنان و نوێکردنەوەی بۆندەکەی بۆ دوو وەرزی دیکە، تاوەکو جێگرەوەی ئامادە دەبێت.
سێیەم: کڕینی جوود بێلینگهامی ئینگلیزی و ئەستێرەی یانەی بوروسیا دۆرتمۆندە، کە بە هەمانشیوە لەلایەن لیڤەرپوڵەوە داواکراوە.
بەم جۆرە یانەی شاهانە دەیەوێت سوود لە ئەزموونی لوکا و کرووس وەربگرێت بۆ ئامادەکردنی چوامینی، کاماڤینگا، ڤاڵڤێردی، بێلینگهام بۆ سەردەمێکی نوێ.
