جەلال شێخ کەریم عیسا ئەندامی سەرکردایەتی یەکێتی، ڤیدیۆیەکی بڵاوکردووەتەوە کە تیایدا ژمارەیەک ئاژەڵی کێوی دەردەکەوێت و دەڵێت، “ئەنجامی هەوڵ و تەقەلاکانم کە بە دڵی خۆم وخەمخۆرانی ژینگە و ئاژەڵ دۆستانە مایەی شانازیمن”.
جەلال شێخ کەریم داوا لە خەڵکی گوندەکانی بناری سەنگاو دەکات، بەشداربن لە پاراستنی جوانییەکانی سرووشت و دوورکەوتنەوە لە راوکردن و رێگری لە راوی گیاندارە کێوییەکان بۆ ئەوەی کوردستانمان جوانتر بکەین.
ناوبراو جەختیشدەکاتەوە، ئەگەر کەسێکتان بینی بە چەکەوە لە سنوورەکانتان و گومانی راوکردنتان لێکرد، رێگەی لێ بکەن، چونکە دڵسۆزی بۆ ژینگە ئەرکێکی نیشتمانیی و نەتەوەییە.
دەشڵێت، ڤیدیۆکە لەلایەن محەمەد فوئادەوە تۆمارکراوە کە پاسەوانی سنوورەکە دەکات.
ڤیدیۆکەی لە تەلەگرامی تۆڕی میدیایی ئێستا ببینە.. https://t.me/estamediea/42492
