بەگوێرەی زانیارییەکانی تۆڕی میدیایی ئێستا، ئەمڕۆ تەرمی ئەندێشە مەریوانی تەمەن 30 ساڵان، لە ژوورەکەی خۆی لە نەخۆشخانەی رۆژئاوای هەولێر دۆزرایەوە.
کەسوکارەکەی لەبارەی رووداوەکەوە باسیان لەوەکردووە، ئەندێشە هیچ کێشەیەکی کۆمەڵایەتی نەبووە و هیچ شتێک لەبارەی رووداوەکەوە نازانن، ئایا کوژراوە یاخود خۆی کۆتایی بە ژیانی خۆی هێناوە.
هەر بە گوێرەی زانیارییەکان، تەرمی پزیشکەکە رەوانەی نەخۆشخانەی پزیشکی دادی هەولێر کراوە و لێکۆڵینەوە لە رووداوەکە دەستی پێکردووە.
