ئیدارەی یانەی مانچستەر یونایتدی ئینگلیزی دوپاتیكردەوە پێنج یاریزان بۆ تین هاگ دەكڕن و یەكەمیشیان دی یۆنگی هۆڵەندی دەبێت.
بەڕێوەبەری جێبەجێ كاری یانەی مانچستەر یونایتد دەڵێت 200 ملیۆن یۆرۆ لەبەردەست تین هاگی ڕاهێنەری نوێدا هەیە و ناوی هەر یاریزانێك بڵێت گرێبەستی لەگەڵ ئیمزادەكەین.
ڕاگەیاندنەكان جەخت لەوە دەكەنەوە كە ئیدارەی یانەكە بەڵێنی كڕینی پێنج یاریزانیان بە تین هاگ داوە.
یەكەم یاریزانیش كە گرێبەستی لەگەڵ ئیمزادەكەن، دی یۆنگی یاریزانی بەرشلۆنەیە.
ئیدارەی مانچستەر یونایتد بۆندێكی 70 ملیۆن یۆرۆییان پێشكەشی یانەی بەرشلۆنە كردووە تا دەستبەرداری بن.
