ئەگەر ڕۆژانە تەنها 15 خولەک کاتت هەیە، بەسە بۆئەوەی بە چەند هەنگاوێک چارەسەری کێسەکانی پێستی ڕوخسارت بکەیت، بەدڵنیایی ئەم چارەسەر ناتوانێت هەمان کاریگەریی چارەسەرە پزیشکییەکانی ناو کلینیکەکان و بۆتۆکسی هەبێت، بەڵام دەتوانێت پێستت تەندروست بهێڵێتەوە و کەمتر نیشانەکانی ماندوێتی و پیری تێدا دەربکەوێت.
یەکەم: پاککردنەوەی دوو لایەنە
پاککردنەوەی پێست لە مەیکئەپەکانی ڕۆژانە دەتوانێت بە دوو هەنگاوبێت، یەکەمیان بەکارهێنانی پێکهاتەیەکی زەیتی بۆ لێکردنەوەی مەیکئەپەکانی سەر ڕووی پێست بەبێ ئەوەی زیان بەر پێستت بکەوێت و زەیتە سروشتییەکەی پێستت لاببات، دواتر بەکارهێنانی پاکژکەرەوەی تایبەت بە لابردنی قوڵی مەیکئەپ لەسەر پێست.
دووەم: تەقشیرکردنی پێست
دووەم هەنگاو لابردنی خانە مردووەکانی پێست و زەیتی زیادەی سەر پێستە، ئەویش بەبەکارهێنانی تەقشیرێکی گونجاو لەگەڵ شێوازی پێستەکە، هەموو پێستی ڕووخسارت بە کرێمی تەقشیرەکە دابپۆشە دواتر بە دەستەکانت مەساجی ڕووخسارتی پێبکە، دواتر ڕووخسارت بشۆ و وشکی بکەرەوە.
سێیەم: ماسک
دوای ئەو دوو هەنگاوە پێستت پاکە بەڵام بەو ئاستە پاک نەبووەتەوە کە ماددە زیانبەخش و ژەهراوییەکان لەناو قوڵایی پێستتدا بە بەکارهێنانی ماسکی تایبەت بە پاککردنەوە، وەک ماسکی قوڕ یان خەڵوز.
چوارەم: شێدارکردنەوە
ئێستا پێستت بەتەواوی پاکبووەتەوە، پێویستە خۆراک بدەیت بە پێستت، ئەو شێدارکەرەوەیە بەکاربهێنە کە باشترینە بۆ پێستت بەبێ ئەوەی پێستت بشۆی کرێمە شێدارکەرەوەکە بە پێستتەوە بهێڵەرەوە.
