توێژینەوەیەكی نوێی دەروونناسی، لەبارەی بیرنەكەوتنەوەی ناوی كەسەكانەوە گەیشتووە بە دەرئەنجام زانستی و دەڵێت، پەیوەندی بە خوودئەڤینییەوە هەیە.
ئەگەر ناوی كەسەكانت لەبیردەچێتەوە و لە كاتی دیدار یاخود گفتوگۆدا ناوەكانیانت بیرناكەوێتەوە، ئایا هۆكارەكەی دەزانیت؟، ئەم پرسیارە و وەڵامەكەی پوختەی توێژینەوەیەكن كە توێژەرانی زانكۆی ماك ئیوانی كەنەدی ئەنجامیانداوە.
ناوەڕۆكی توێژینەوەكە دەڵێت، هۆكارێك بۆ لەبیركردنی ناوی كەسەكان و بەتایبەت بیرنەكەوتنەوەی ناوەكانیان، شڵەژانی كەسێتیی خوودئەڤینی (NPD)ـە، كە وا لە كەسەكە دەكات كاتێك لەگەڵ هاوڕێ یاخود كەسانێكدا كە پێشتر ناسیونی یەكتر دەبیننەوە و ناوەكانیانی بیرناكەوێتەوە، هەوڵنەدات بۆ بیركەوتنەوەی ناوەكان.
توێژەرانی دەروونی ڕوونكردنەوەیان لەو بارەیەوە خستووەتەڕوو و جەختدەكەنەوە كە ئەو خوودئەڤینی (نەرجسییەت)ـەی لە كەسەكەدا هەیە، وایلێدەكات كاتێك ناوی كەسێكی بیرناكەوێتەوە، لەخۆباییانە مامەڵەبكات و لە باتیی هەوڵدان بۆ بیركەوتنەوەی ناوی كەسەكە، خۆی لە بابەتەكە دەدزێتەوە و بە ڕێگەیەكی تر چارەسەری دەكات.
