ڕۆبەرتۆ مانچینی ڕاهێنەری ئیتاڵیا پێیوایە یارییەكەیان بەرامبەر ئینگلتەرا قورسە و پێویستیان بەوەیە ئاستێكی بەرز پێشكەش بكەن تا بتوانن ڕكابەری بەرامبەرەكەیان بكەن.
ئەمشەو كاتژمێر 9:45 خولەك ئیتاڵیا لەدەرەوەی یاریگای خۆی ڕووبەڕووی ئینگلتەرا دەبێتەوە.
ئیتاڵیا پێشەنگی كۆمەڵەكەی گرتوە بە چوار خاڵ و ئینگلتەراش یەك خاڵی هەیە و چوارەمە.
مانچینی ئاماژەی بەوەدا كە ئەوان دەیانەوێت تیپێكی لاو دروستبكەن و گۆڕانكاری لە عەقڵیەتی كاركردنیان بكەن.
وتیشی: پێموایە هەریەك لە هەڵبژاردەكانی ئینگلتەرا و ئەڵمانیا و ئیسپانیا پاڵێوراون بۆ بەدەستهێنانی ناسناوی مۆندیالی 2022ی قەتەر.
