بۆ یەکەمین جار، زانایان لە بەریتانیا گەردیلەی پلاستیکییان لە سییەکانی مرۆڤی زیندوودا دۆزیوەتەوە.
ئەم دۆزینەوەیە، ئەو بەڵگانە بەهێزتر دەکات کە پیسبوونی ژینگە گەیشتووەتە ئاستێک، مرۆڤ پلاستیک هەڵدەمژن.
بەپێی توێژینەوەکی گۆڤاری “Science of the Total Environment”، زاناکان لە کاتی شیکاری و پشکنیندا 39 جۆر گەردیلەی جیاجیای پلاستیکییان لە سییەکانی مرۆڤدا دۆزیوەتەوە و لە نمونەکانی توێژینەوەکەدا دەرکەوتووە، 11 لە کۆی 13 سیی مرۆیی هەڵگری ئەو گەردیلانە بوون.
هەروەها ڕێژەی گەردیلە پلاستیکییەکان، لە نمونە نێرینەکانی توێژینەوەکەدا زیاتربوون، بەراورد بە مێینەکان.
ئەمە لە کاتێکدایە، چاودێرانی ژینگە بەردەوام هۆشداری دەدەن لە زۆربوونی ڕێژەی پلاستیکی فڕێدراو، کە لە پیشەسازییەکانی خواردن و خواردنەوە و جلوبەرگ و ئامێرە کارەباییەکان و چەندین بواری تردا بەکاردەهێندرێن.
