وەزیری دەرەوەی فەڕەنسا رایگەیاند، پێویستە پشتیوانی کورد بکەین لە باکوور و رۆژهەڵاتی سوریا و مافەکانیان دەستبەر بکرێت و پارێزراوبن.
ژان نوێل بارۆ، وەزیری دەرەوەی فەڕەنسا ئاماژەی بەوەشکرد، دەسەڵاتە نوێیەکانی سوریا بە کردار حوکم دەدرێن نەک بە قسە کە بە تێپەڕبوونی کات دەردەکەوێت.
باسی لەوەشکرد، پاریس لە مانگی کانونی دووەمدا میوانداری کۆبوونەوەیەک دەکات سەبارەت بە سوریا و کۆبوونەوەکە هاوبەشە عەرەب و نێودەوڵەتییەکان تیایدا بەشداردەبن.
لەبارەی کوردەوە دەڵێت، ئەوان هاوبەشێکی گرنگن بۆمان، پێکهاتەیەکی بنچینەیی گرنگن لە رووبەڕووبوونەوەی هەر مەترسییەک لەسەر ناوچەکە هەبێت.
