وتەبێژی وەزارەتی كارەبای هەرێم رایدەگەیەنێت، لە شەو و رۆژێكدا 7 بۆ 10 كاتژمێر كارەبای نیشتمانی بە هاوڵاتییان دەدرێت و بەپێی ناوچەكان دەگۆڕدرێت.
ئومێد ئەحمەد، وتەبێژی وەزارەتی كارەبای هەرێم لە دیدارێكیدا رایگەیاند، مانگی رابردوو خواست نزمبووە 16 كاتژمێر كارەبا بە هاوڵاتییان دراوە و لە ئێستادا خواست لەسەر كارەبای نیشتمانی زیادیكردووە.
وتیشی، “لە ئێستادا لە ناوچە ساردەكان لەسەروو 7 كاتژمێر كارەبای نیشتمانی بە هاوڵاتییان دەدرێت و لە ناوچە گەرمەكاندا سەروو 10 كاتژمێر كارەبای نیشتمانی بە هاوڵاتییان دەدرێت و بڕی ئەو كارەبایەی بەرهەمدەهێندرێت بەسەر هاوڵاتییاندا دابەشدەكرێت”.
