پاشماوەی سان ژوزێ گالیۆن کەشتیی بەناوبانگی ژێرئاوکەوتوو دۆزرایەوە.
ئەم کەشتییە بە چەک و تۆپ و گەنجینەی ئاڵتون و کەلوپەلە گرانبەهاکانی ناویەوە ماوەی 300 ساڵە لە قوڵایی دەریای کاریبیدایە.
کەشتییەکە ساڵی 1708 لە نزیک بەندەری کارتەگێنا-ی کۆلۆمبیاوە ژێرئاوکەوتووە و مێژوونووسان لەو بڕوایەدان شتومەکە گرانبەهاکانی ناوی بەهای ملیارەها دۆلاری ئەمڕۆیان هەبێت.
ژێرئاوگەڕێک کە لە دوورەوە کاریپێدەکرێت تا قوڵایی 950 مەتر بە ئاوی دەریاکەدا ڕۆچووە و چەند دیمەنێکی کەشتییەکەی هێناوەتەوە.
سان ژوزێ گالیۆن کەشتییەکی چارۆکەدار بووە سەر بە سەردەمی داگیرگەکاری (ئیستیعمار) و لەلایەن ئیسپانیاوە خاوەندارێتیی کراوە، بەڵام لە ساڵی 1708ـدا هێزی دەریاوانیی بەریتانیا هێرشیکردووەتە سەری و تێکیشکاندووە.
