هەڵبژاردەی بەلجیکا لوتکەی ڕیزبەندیی هەڵبژاردە نێودەوڵەتییەکانی لەدەستدا، لە بەرامبەردا هەڵبژاردەی بەڕازیل گەڕایەوە لوتکە.
بەپێی نوێترین ڕیزبەندیی کە لەلایەن فیدراسیۆنی تۆپی پێی جیهانەوە بۆ مانگی ئازاری 2022 ئامادەکراوە، هەڵبژاردەی بەڕازیل بە کۆکردنەوەی 1832.69 خاڵ گەڕاوەتەوە لوتکەی ڕیزبەندیی هەڵبژاردە نێودەوڵەتییەکان.
لە بەرامبەردا هەڵبژاردەی بەلجیکا ژمارەی خاڵەکانی کەم کردووەتەوە و دابەزیوە بۆ پلەی دووەم، هەروەها هەڵبژاردەی فەرەنسا لە پلەی سێیەمدا هاتووە.
هەڵبژاردەی ئەرجەنتین بە 1765.85 خاڵەوە وەک خۆی ماوەتەوە، لە ڕیزبەندییەکەشدا دەکەویتە پلەی چوارەمەوە.
ڕیزبەندییە نوێیەکە بەم جۆرەیە:
بەڕازیل 1832 خاڵ
بەلجیکا 1827 خاڵ
فەرەنسا 1789 خاڵ
ئەرجەنتین 1765 خاڵ
ئینگلتەرا 1761 خاڵ
ئیتاڵیا 1723 خاڵ
ئیسپانیا 1709 خاڵ
پۆرتوگال 1674 خاڵ
مەکسیک 1658 خاڵ
هۆڵەندا 1658 خاڵ
