شاڵاو هیدایەت شارەزای كەشناسی لە لێدوانێكدا بە تۆڕی میدیایی ئێستای راگەیاند، دوو شەپۆلی باران و بەفر و سەرما و سۆڵە ناوچەكانی هەرێمی كوردستان دەگرنەوە.
وتیشی،”رۆژانی دووشەممە و سێشەممەی ئەم هەفتەیە بەهۆی كاریگەریی نزمە پەستانێكی دەریای ناوەڕاست لەسەر هەرێم ئەگەری هەندێك بارانی كەم لە بەشێكی سنووری دهۆك و هەولێر و موسڵ هەیە لەگەڵ بەفرێكی كەم لە هەندێك لە ناوچە شاخاوییە سنوورییەكانی بادینان.
باس لەوەش كردووە، لە هەندێك شوێنی سنووری پارێزگای سلێمانیش بارانێكی لاواز و كەم و كاتی دەبارێت بە تایبەت ئیدارەی راپەڕین لە زۆرینەی ناوچەكاندا نیمچەهەور دەبێت.
دەشڵێت، “لە كۆتایی مانگ و 27 ، 28ی مانگ و كۆتایی مانگ و سەرەتاكانی مانگی یەك، دوو شەپۆلی دیكەی گشتگیری باران و بەفر سەرجەم ناوچە جیاوازەكانی هەرێم دەگرنەوە ئەگەر هەیە هەردوو شەپۆلەكەش سەرمایان پێوەبێت و بە تایبەت شەپۆلی كۆتایی مانگ و سەرەتاكانی مانگی یەك سەرمای توندی پێوەیە”.
