ڕافائێل نادال، ئەفسانەی تێنسی سەرزەویی ئیسپانیا و جیهان لە قۆناغی دووەمی پاڵەوانێتی کراوەی ئوسترالیا بردنەوەی بەرامبەر یانیک هانفمان-ی ئەڵمانی تۆمارکرد.
ماتادۆرەکەی ئیسپانیا، کە پێنجەمی ڕیزبەندیی یاریزانە پیشەگەرەکانی بواری تێنسی سەرزەوییە، دوای دوو کاتژمێر و 42 خولەک بە ئەنجامی سێ کۆمەلەی بێوەڵام بردنەوەی بەرامبەر هانفمان تۆمارکرد، (6-2)، (6-3)، (6-4).
بەم بردنەوەیە، یاریزانە ئیسپانییەکە پێگەیەکی لە قۆناغی سێیەم مسۆگەرکرد، لەو قۆناغەشدا بەرامبەر کارین خاشانۆڤ یاریدەکات.
🎾 @RafaelNadal, con paso firme, a la tercera ronda del #AusOpen
🇪🇸 R. Nadal 6⃣6⃣6⃣
🇩🇪 Hanfmann 2⃣3⃣4⃣🔜 Su rival sale del Kachanov 🆚 Bonzi
📹 @Eurosport_ES pic.twitter.com/gp6IzyVDE4
— El Partidazo de COPE (@partidazocope) January 19, 2022
لەو بارەیەوە ئەستێرەکەی ئیسپانیا ڕایگەیاند، “ڕکابەرەکەمان مەترسیدار و بەهێز بوو، ئەنجامەکەی بەرامبەر ساناسی دەریدەخات چەند ئاستی بەرزە، هیوای باشترینی بۆ دەخوازم، چونکە یاریزانێکی ناوازەیە”.
نادال لەمێژوویدا 20 ناسناوی گراند سلامی بەدەستهێناوە، هەوڵدەدات بە چنینەوەی ناسناوی کراوەی ئوسترالیا ژمارەی ناسناوە گەورەکانی بگەیەنێتە 21 و پێش ڕۆجێ فێدرەری ئەفسانەی سویسری بکەوێت.
