لە دوایین ڕووبەڕوووبونەوەی یانەی ڕیاڵ مەدرید بەرامبەر یانەی ڤالێنسیا، ڤینیسیۆز جونیۆر دوو گۆڵی تۆمارکرد، بەڵام ئەو دوو گۆڵە هێندەی ڕێزگرتنی لۆگۆی یانەکە سەرنجی هاندەرانی ڕانەکێشا.
بەپێی تۆمارێکی ڤیدیۆیی کە لەلایەن تۆڕی (ESPN)ی ئەمریکی و سەرچاوەکانی مەدریدەوە بڵاوکراوەتەوە، ڤینیسیۆز لەخولەکی 80ی ڕووبەڕووبوونەوە بەرامبەر شەمشەمەکوێرەکەی ڤالێنسیا، بەرەو دەرەوەی یاریگا ڕادەکات و لەناکاو لۆگۆی ڕیاڵ مەدرید دەکەوێتە بەردەم پێیەکانی، بەڵام یاریزانەکە ئامادەنییە پێیەکانی بخاتەسەر لۆگۆی یانە و بازێکی درێژدەدات.
Vinicius jumped because he didn’t want to step on the Real Madrid logo.
Respect 📈 pic.twitter.com/Bjcgq9KyA9
— ESPN FC (@ESPNFC) January 8, 2022
ڕۆژنامەی مارکا نووسیویەتی، بازدانەکەی ڤینیسیۆز بە واتای ڕێزگرتن و خۆشەویستی هاتووە بۆ لۆگۆی یانەی شاهانە، زیاتر لەو دوو گۆڵەی تۆماریکردووە سەرنجی هاندەرانی بەلای خۆیدا ڕاکێشاوە، وایکردووە خۆشەویستییان بۆ یاریزانەکە زیادبکات.
یانەی ڕیاڵ مەدرید بەرامبەر ڤالێنسیا دوو گۆڵی تۆمارکرد، هۆکارێکی سەرەکی بوو لە بردنەوەی یانەکەی بە ئەنجامی (4-1)، بەو بردنەوەیەش پێگەی خۆیان لە لوتکەی ڕیزبەندیی یانەکانی لالیگا بەهێزترکرد.
