دەستەی کەشناسیی عێراق رایگەیاند، شەپۆلێکی سەرما و سۆڵەی سەخت عێراق و هەرێمی کوردستان دەگرێتەوە.
کەشناسیی عێراق رایگەیاند، لە چەند رۆژی داهاتوودا شەپۆلێكی سەختی سەرماو سۆڵە عێراق و هەرێمی کوردستان دەگرێتەوە و پلەکانی گەرما بەرێژەیەکی بەرچاو دادەبەزن، بەجۆرێک کە لە هەندێک شوێن دەچنە ژێر سفرەوە.
وتیشی “لە بەشێكی ناوچەکان پلەکانی گەرما بۆ سفر دادەبەزن و شارەکانی هەولێر و دهۆک بە 1 پلەی سیلیزیی و سلێمانی و نەینەواش بە 2 پلەی سیلیزی دەبنە ساردترین شاری عێراق”.
ئاماژەی بەوەشدا ” لەگەڵ نزمبوونەوەی پلەکانی گەرما لەچەند رۆژی داهاتوودا، هاوکات بای بەهێز و تەمیش شارەکان دەگرێتەوە”.
