ئیلۆن مەسک، خاوەنی تۆڕی کۆمەڵایەتیی ئێکس رایگەیاند، بەم زووانە ڤیدیۆی ماوە درێژ بۆ تەلەڤزیۆنە زیرەکەکان بەردەست دەبێت و هەفتەی داهاتووش بەرنامەیەک بڵاودەکاتەوە.
پلاتفۆرمەکە لە مانگی تشرینی یەکەمی ساڵی رابردوودا ڤێرژنێکی سەرەتایی پەیوەندی ڤیدیۆیی و دەنگی بۆ هەندێک لە بەکارهێنەران کاراکرد، ئەوەش دوای ئەوەی ئیلۆن مەسک جەختیلەوە کردەوە دەیەوێت ئەو بەرنامەیە بکات بە بەرنامەیەکی بەهێز.
پێشتر لە وەڵامێکی کورتدا لە تۆڕی کۆمەڵایەتیی ئێکس بۆ پۆستی بەکارهێنەرێک سەبارەت بە ئەگەری سەیرکردنی ڤیدیۆ درێژەکانی پلاتفۆرمەکە راستەوخۆ لە تەلەڤزیۆنە زیرەکەکاندا، ئیلۆن مەسک نووسیویەتی، “بەم زووانە”.
