وەزیری گواستنەوە و گەیاندنی عێراق، ڕایدەگەیەنێت، سەرقاڵی ئامادەكردنی پڕۆژەیەكن بۆ هەرزانكردنی نرخی كارتی مۆبایل و گەڕاندنەوەی نرخەكەی هاوشێوەی پێشتر.
هیام ئەلیاسری وەزیری گواستنەوە و گەیاندنی حكومەتی عێراق، ڕایگەیاند، “لە وەزارەت سەرقاڵی ئامادەكردنی پڕۆژەیەكین بۆ هەرزانكردنی نرخی كارتی مۆبایل و گەڕاندنەوەی نرخەكەی هاوشێوەی پێشتر”.
ئاماژەی بۆ ئەوەش كرد، لە نزیكترین كاتدا ئەو پڕۆژەیەی ئامادەدەكرێت دەخرێتە ناو پڕۆژەیاسای بودجەوە كە لە ئەنجومەنی وەزیران پەسەندبكرێت بەرلەوەی پڕۆژەیاسای بودجەی ساڵی 2023 بنێرێتە پەرلەمان و دەنگی لەسەر بدرێت.
