(ڤیدیۆ) دێربی ڕۆما به‌بردنه‌وه‌ی هه‌ڵۆکانی لازیۆ کۆتاییهات

یانه‌ی لازیۆ شه‌شه‌م ڕووبه‌ڕووبوونه‌وه‌ی وه‌رزی 2021-2022ی خولی ئیتاڵیای به‌رامبه‌ر ڕۆمای هاوسێی ئه‌نجامدا و بردنه‌وه‌ی تۆمارکرد.

ئه‌مشه‌و یه‌کشه‌ممه‌، یانه‌ی لازیۆ له‌ چێوه‌ی یارییه‌کانی هه‌فته‌ی شه‌شه‌می کالچیۆ میوانداری ڕۆمای مۆرینیۆی کرد، یارییه‌که‌ به‌ ئه‌نجامی (3-2) له‌به‌رژه‌وه‌ندی ئه‌ستێره‌کانی ماوریزیۆ ساری کۆتاییهات.

گۆڵه‌کانی لازیۆ له‌ خوله‌که‌کانی 10، 19، 63 له‌لایه‌ن سێرجی میلینکۆڤیچ ساڤیچ، پیدرۆ، فیلیپی ئاندێرسۆنه‌وه‌ تۆمارکران، گۆڵه‌کانی ڕۆما له‌ خوله‌که‌کانی 41 و 69 له‌لایه‌ن ڕۆجێر ئیبانیز و جۆردان ڤێرتۆوه‌ تۆمارکران.

https://streamable.com/pd7038

به‌پێی ئه‌نجامه‌که‌، یانه‌ی ڕۆما به‌ 12 خاڵه‌وه‌ له‌ پله‌ی چواره‌می ڕیزبه‌ندیی یانه‌کانی خولی پله‌ یه‌کی ئیتاڵیا به‌رده‌وامبوو، یانه‌ی لازیۆی ڕکابه‌ریشی به‌ کۆکردنه‌وه‌ی 11 خاڵ بۆ پله‌ی شه‌شه‌م سه‌رکه‌وت.