ئەمڕۆ شەممە، یانەی بایرن میونشن ڕووبەڕووبوونەوەی هەفتەی پێنجەمی خولی ئەڵمانیای بەرامبەر یانەی بوخوم ئەنجامدا و بردنەوەیەکی گەورەی تۆمارکرد.
بایرنی پاڵەوانی ئەڵمانیا لە یاریگای ئالیانز ئارینا میوانداری بوخومی کرد، یاریی نێوانیان بە ئەنجامی حەوت گۆڵی بێوەڵام کۆتاییهات.
گۆڵەکان لە خولەکەکانی 17، 27، 32، 43، 61، 65، 79 لەلایەن لیرۆی سانێ، جۆشوا کیمیچ (دوو گۆڵ)، ڤاسیلیۆس لامپرۆپۆلۆس (بەهەڵە)، ڕۆبێرت لیڤاندۆڤیسکی، ئیریک ماکسیم چوپۆ مۆتینگەوە تۆمارکران.
بەپێی ئەنجامە تۆمارکراوەکە، بایرن میونشن لە کۆی پێنج ڕووبەڕووبوونەوەی وەرزی 2021-2022 ژمارەی خاڵەکانی گەیاندە 13، بەشێوەیەکی کاتی لوتکەی ڕیزبەندی یانەکانی بوندس لیگای گرتەوە.
ئەنجامەکانی دیکە:
ئەرمینیا بیلیفێلد 0-0 هۆفنهایم
ئاوگسبۆرگ 1-0 بوروسیا مونشنگلادباخ
ماینز 0-0 فرایبۆرگ
