دامەزراوەی دەرمان و خۆراکی ئەمریکا دەرمانی رێمدیسیڤیری وەک یەکەم و کۆتا دەرمان دژی ڤایرۆسی کۆرۆنا ناساند و ڕێگەیدا بۆ توشبوانی ڤایرۆسەکە بەکاربهێنرێت.
دەرمانی رێمدیسیڤیر تۆزێکە و دەگیرێتەوە و لە ڕێگەی ڕەگی خوێنەوە دەدرێت لە هەڵگری ڤایرۆسەکە، ڕاگەیاندنی دەرمانەکەش وەک چارەسەر دوای ئەوە دێت کە دامەزراوەی دەرمان و خۆراکی ئەمریکی ئاشکرایکرد کە دۆناڵد ترەمپی سەرۆکی ئەو وڵاتە بەکاری هێناوە.
شارەزایانی تەندروستی هۆشداری دەدەن کە دەرمانی ڕێمدیسیڤیر لەگەڵ دەرمانی هیدۆکسی کلۆرین بەکار نەهێنرێت، چونکە هەردوکیان پێکەوە دەتوانن کۆمەڵێک کاریگەری لاوەکی لەسەر جەستەی نەخۆشەکە دروستبکەن.
لەناو هەموو ئەو دەرمانانەدا پێشنیارکرابوو بۆ چارەسەری کۆرۆنا تەنها ڕێمدیسیڤیر لەلایەن ئەمریکاوە پشتگیری کرا، بە وتەی دامەزراوەی دەرمان و خۆراکی ئەمریکی دەرمانەکە دەتوانێت پێنج ڕۆژ چاکبوونەوەی نەخۆش پێشبخات.
