نەخۆشخانەی منداڵان چەند ڕێنماییەکی ڕەوانەی تەندروستیی سلێمانی کردووە کە بتوانرێت لەسەر ئەو ڕێنماییانە خویندنگە ئەهلییەکان بەڕێوەببرێت، چونکە وەک نەخۆشخانەکە دەڵێت، زانیارییان هەیە درێژە بەخوێندن دەدرێت بەبێ پەیڕەوکردنی ڕێنماییە تەندروستییەکان.
نەخۆشخانەکە چەند ڕێنماییەکی بۆ بەردەوامی خوێندن و خۆپارێزی ڕاگەیاندووە بەم شێوەیە:
یەکەم: دەبێت هەواگۆڕکێی تەواو هەبێت لە هۆڵەکانی خوێندندا
دووەم: دەبێت منداڵان فێربکرێن دوای هەموو وایەنەک دەستبشۆن، کەوایە دەبێت دەستشۆرەکان زیاد بکرێت
سێیەم: منداڵەکان فێری خۆپارێزی بکرێن وەک بەستنی ماسک و دەستنەدان لە دەموچاو
چوارەم: لە کاتی دەرکەوتنی نیشانەی هاوشێوەی کۆرۆنا پەیوەندی بە دایک و باوکیانەوە بکرێت
پێنجەم: دەبێت منداڵان لە هۆڵەکانی خویندندا بە دوری مەتر و نیوێک یان دوومەتر دوربن لەیەکەوە
نەخۆشخانەکە لە نوسراوەکەیدا داوای لە تەندروستیی سلێمانی کردووە خویندنگە ئەهلییەکان پەیوەستبکرێن بەم ڕێنمایانەوە لەئەگەری پابەند نەبونیش سزای خویندنگەکان بدرێت.
هۆشداری نەخۆشخانەی منداڵان لە کاتێکدایە کە دوێنێ سەباح هەورامی، بەڕێوبەری تەندروستیی سلێمانی بە تۆڕی میدیایی ئێستای ڕاگەیاند، ژمارەی توشبوون بە کۆرۆنا لە منداڵاندا زیادیکردووە، لە کاتێکدا پێشتر حاڵەتی دەگمەن هەبوو.
