ئەمشەو، سێشەممە گەڕی سێیەمی قۆناغی کۆمەڵەکانی یورۆی 2020 لەسەر ئاستی کۆمەڵەی چوارەم ئەنجامدرا، هەڵبژاردەکانی ئینگلتەرا و کرواتیا سەرکەوتنیان بۆ قۆناغە یەکلاکەرەوەکان مسۆگەرکرد.
لە ڕوبەڕوبوونەوەیەکی بەهێزدا، هەڵبژاردەی ئینگلتەرا لە یاریگای وێمبلی سێیەم یاری یورۆی 2020ی بەرامبەر هەڵبژاردەی چیک ئەنجامدا، یارییەکەش بە ئەنجامی گۆڵێكی بێوەڵام لەبەرژەوەندی کوڕانی گاریس ساوزگەیت کۆتاییهات.
گۆڵەکە لە خولەکەکانی 12 لەلایەن ڕەحیم ستێرلینگەوە تۆمارکرا.
https://streamable.com/amszcs
لەڕوبەڕوبوونەوەیەکی دیکەدا، هەڵبژاردەی کرواتیا لە هامپدن پارک بە ئەنجامی سێ گۆڵ بەرامبەر گۆڵێک بردنەوەی بەرامبەر سکۆتلەندا تۆمارکرد، گۆڵەکانی کرواتیا لە خولەکەکانی 17، 62، 78 لەلایەن نیکۆلا ڤلاسیچ، لوکا مۆدریچ، ئیڤان پێریسیچ، تاکە گۆڵەکەی سکۆتلەندا لە خولەکی 42 لەلایەن کالو ماگریگۆرەوە تۆمارکران.
https://streamable.com/40c87v
بەپێی ئەنجامی تۆمارکراوەکان، هەڵبژاردەی ئینگلتەرا بە کۆکردنەوەی حەوت خاڵ و پلەی یەکەم، هەروەها هەڵبژاردەی کرواتیا بە چوار خاڵەوە وەک هەڵبژاردەی پلەی دووەم سەرکەوتنیان بۆ قۆناغە یەکلاکەرەوەکان مسۆگەرکرد.
