کۆتینیۆ‌ بۆ تۆڵه‌کردنه‌وه‌ له‌ بایرن میونشن ئاماده‌یه

فیلیپی کۆتینیۆ قۆناغه‌کانی چاره‌سه‌ربوونی تێپه‌ڕاندووه‌ و له‌ دۆخێکی جه‌سته‌یی گونجاودایه‌ بۆ ڕووبه‌ڕووبوونه‌وه‌ی بایرن میونشن.

ڕۆژنامه‌ی موندۆ دیپۆرتیڤۆی که‌ته‌لۆنی له‌زاری که‌سانی نزیکی یاریزانه‌که‌ و ڕاهێنه‌رانی یانه‌ی به‌رشلۆنه‌وه‌ ئاشکرایکردووه‌، فیلیپی کۆتینیۆ له‌ دۆخێکی جه‌سته‌یی گونجاودایه‌ بۆ به‌شداریکردن له‌ ڕووبه‌ڕووبوونه‌وه‌ی نێوان یانه‌ که‌ته‌لۆنییه‌که‌ و بایرن میونشن، له‌ گه‌ڕی یه‌که‌می قۆناغی کۆمه‌ڵه‌کانی چامپیۆنزلیگ.

به‌پێی سه‌رچاوه‌که‌، “کۆتی” به‌شێوه‌یه‌کی ئاسایی ڕاهێنانه‌کان ئه‌نجامده‌دات، توانا جه‌سته‌ییه‌کانی گه‌ڕاندووه‌ته‌وه‌ و له‌ دۆکیومێنتارییه‌کدا ڕایگه‌یاندووه‌، “ئێستا له‌ جاران باشتر و به‌هێزترم”.

بڕیاره‌ سبه‌ینێ سێشه‌ممه‌، یانه‌ی به‌رشلۆنه‌ له‌ یاریگای “کامپ نو” یه‌که‌م یاریی چامپیۆنزلیگ به‌رامبه‌ر بایرن میونشن ئه‌نجامبدات، له‌م یارییه‌شدا ئه‌گه‌رێکی زۆر هه‌یه‌ کۆتینیۆ سه‌ره‌کی به‌شداریبکات، هۆکاره‌که‌ش بۆ ئه‌وه‌ ده‌گه‌ڕێته‌وه‌، که‌ به‌هۆی پێکانه‌وه‌‌ کومان له‌ تواناکانی ئانسو فاتی و بره‌یزوایت بێبه‌شده‌بێت.

موندۆ نوسیویه‌تی، یاریزانه‌که‌ی سیلیساو له‌ هه‌شتی ئابی 2021وه‌ مۆڵه‌تی یاریکردنی له‌لایه‌ن ستافی پزیشکی بارساوه‌ پێدراوه‌، به‌ڵام ڕاهێنه‌ران کاریان له‌سه‌ر گه‌ڕاندنه‌وه‌ی توانا جه‌سته‌ییه‌کانی کردووه‌، سه‌ره‌ڕای ئه‌وه‌ی هیچ یارییه‌کی له‌م وه‌رزه‌دا ئه‌نجامنه‌داوه‌، به‌ڵام بۆ ڕووبه‌ڕووبوونه‌وه‌ی خیتافی له‌سه‌ر کورسیی یه‌ده‌گ ئاماده‌بووه‌.

حه‌سه‌ن ساڵحه‌میدزیچ، به‌ڕێوه‌به‌ری وه‌رزشیی بایرن ڕایگه‌یاندووه‌، “ڕووبه‌ڕووی یه‌کێک له‌ به‌هێزترین یانه‌کان و کۆتینیۆ ده‌بینه‌وه‌، که‌ ده‌یه‌وێت تۆڵه‌مان لێبکاته‌وه‌”.

بابەتی پێشتر

تاران: پێكهاتەی حكومەتی ئەفغانستان لەگەڵ ئێران و كۆمەڵی نێودەوڵەتیدا ناگونجێت

بابەتی دواتر

ئێران ئەمڕۆش لە بۆردومانكردن بەردەوام بوو

بابەتی پەیوەندیدار
زیاتر ببینە

هانز فلێک دەرکرا

یەکێتیی تۆپی پێی ئەڵمانیا، هانز فلێکی لە پۆستی ڕاهێنەرایەتی دوورخستەوە. ئەنجامەکانی ئەڵمانیا هێندە خراپ بوون هاندەران و ڕۆژنامەکان…
زیاتر ببینە

فەرمی.. ناوبژیوانی کلاسیکۆ دیاریکرا

فیدراسیۆنی تۆپی پێی ئیسپانیا بە فەرمی، ماتیۆ لاهۆزی وەک ناوبژیوانی ڕوبەڕوبوونەوەی کلاسیکۆی گەڕانەوەی لالیگا دیاریکرد. بڕیارە شەممەی داهاتوو…
Total
0
Share