یانەی بایرن میونشن بەفەرمی بۆندی لەگەڵ جولیان ناگلسمانی ڕاهێنەری ئەڵمانی یانەی لایپزیک واژووکرد.
سەرەڕای ئەوەی مارکۆس کرۆش، بەڕێوەبەری وەرزشیی یانەی لایپزیگ چەند هەفتەیەک لەمەوبەر ڕەتیکردەوە دەستبەرداری ڕاهێنەری یانەکەیانبن و ڕایگەیاند، ” دیاریکردنی سنوری دارایی بۆندی جولیان ناگلسمان بەرزە، لەبەرئەوەی بۆندەکەی تاوەکو 2023 لەگەڵماندا بەردەوامی هەیە”.
“لە بەرامبەر ئەم لێدوانەدا، ڕۆژنامەی بێلد سپۆرتی ئەڵمانی جەختی لە ڕێککەوتنی نێوان بەڕێوبەرانی باڤاری و جولیان ناگلسمان کردەوە و نوسی، ” لە ئێستادا تەنها ڕێککەوتنی نێوان یانەکانی بایرن و لایپزیگ ماوە بۆ ئاشکراکردنی گرێبەستەکە.
لەکاتێکدا میدیاکان سەرقاڵی گواستنەوەی زانیارییەکان بوون، یانەی بایرن میونشن لە ماڵپەڕی فەرمی یانەکەوە ئاشکرایکرد، کە بۆندیان لەگەڵ ناگلسمان واژووکردووە و هاوینی داهاتوو جێگەی هانیز فلیک دەگرێتەوە.
Julian Nagelsmann to join FC Bayern as head coach. Hansi Flick's contract will be terminated upon request. pic.twitter.com/tJBpXSiozu
— FC Bayern (@FCBayernEN) April 27, 2021
بۆندی ناگلسمان لەگەڵ یانەی بایرن میونشن لە هاوینی 2021وە دەستپێدەکات و بۆ ماوەی پێنج وەرز، واتا تاوەکو هاوینی 2026 بەردەوامی دەبێت، لە بەرامبەردا هانیز فلیک لە هاوینی 2021 بەفەرمی بۆندەکەی هەڵدەوەشینرێتەوە.
