ئەمشەو، سێشەممە لە چوارچێوەی ڕوبەڕوبوونەوەکانی گەڕانەوەی قۆناغی چارەکی کۆتایی چامپیۆنزلیگ، پاریس سان جێرمان و چێڵسی سەرکەوتنیان بۆ قۆناغی نیوەی کۆتایی خولی یانە پاڵەوانەکان مسۆگەرکرد.
لە ڕوبەڕوبوونەوەیەکی ئاگریندا یانەی بایرن میونشن لە پارک دی فرانس بووە میوانی پاریس سان جێرمان، یارییەکە بە بردنەوەی ئەستێرەکانی باڤاری بە ئەنجامی گۆڵێکی بێوەڵام کۆتاییهات، گۆڵەکە لە خولەکی 40 لەلایەن ئیریک ماکسیم چوپۆ مۆتینگەوە تۆمارکرا.
https://streamable.com/zle2e2
لە ڕوبەڕوبوونەوەیەکی دیکەدا یانەی چێڵسی لە ڕامۆن سانچێز پێزخوان میوانداری پۆرتۆی پۆرتوگالی کرد و یاری نێوانیان بە ئەنجامی گۆڵێکی بێوەڵام لە بەرژەوەندی دراگاوەکانی پۆرتوگال کۆتاییهات، گۆڵەکە لە خولەکی 90 لەلایەن مەهدی تاریمی-یەوە تۆمارکرا.
بەپێی ئەنجامە تۆمارکراوەکان، یانەی پاریس سان جێرمان بە ئەنجامی یاریی چوون و گەڕانەوە (3-3) سەرکەوتنی بۆ قۆناغی نیوەی کۆتایی مسۆگەرکرد، بەوپێیەی لە یاریگای یانە ئەڵمانییەکەدا سێ گۆڵی تۆمارکردووە و هەر گۆڵێک لە حاڵەتی یەکسانبووندا کێشی دوو گۆڵیان هەیە، هەروەها یانەی چێڵسی بە ئەنجامی یاریی چوون و گەڕانەوە (2-1) بەهەمان شێوە بلیتی قۆناغی نیوەی کۆتاییان بڕی.
پاریس لە قۆناغی نیوەی کۆتایی چاوەڕوانی براوەی نێوان مانچستەر سیتی و دۆرتمۆند دەکات، چێڵسی ئینگلیزیش لەهەمان قۆناغدا چاوەڕێی براوەی نێوان ڕیاڵ مەدرید و لیڤەرپوڵ دەکات.
